150624 西西里 - catania 第三日

為左去多啲地方，朝早五點起身搭0614班車去 Catania, 大概十點到，因為今日要出火山喇！好彩好彩，唔駛一定朝早上火山大。有下晝 sunset tour 3-9pm.
好多 tour  都9點開始。

窗外風景很美

一黎到車站，我唔太鍾意呢個鎮，黑麻麻，又污嘈又多車多人。我最唔鍾意咁太迫。沿住鐵路行就係 Hostel. p.s.Hostel 張床高高低低，訓得唔舒服。
搞掂晒啲野就出去。我發現好多英國人都黎西西里玩。都係個啲，噴泉，古跡。。

Etc...Window shopping, 黎既目的都係睇火山。

仲諗住魚市場真係有即叫即食海鮮！全部都要煮既！仲有食左個燒茄子同燒洋蔥。麻麻，煎釀三寶好食啲。

食左個開心果雪糕！好味！

仙人掌味雪條。似片糖味。

終於再次食意大利粉, 為左食多次意大利粉而去意大利!??

放低野，出番黎Join tour 上山。搵唔到路，走去餐廳問人，當時 auntie 答我。佢唔識英文，叫左個靚仔出黎教我，(p.s.靚仔唔好痴咁埋我度睇地圖啦，我會面紅。)

ok! 終於 join 大隊，同 alexander 領隊上火山。我覺得都值得去既，不過都係個句，見仁見智啦！



不過唔好 expect 會見到溶岩。火山出既第一種花係黃色花，仲有粉紅色花，好香。唔記得叫咩名。 本人英文程度有限。

中途都有少少危險。山唔過，好似2000米左右，有幾個火山口。



原來有好多種唔同既石頭，有Volcanic form  既石， lava 石，紅色，黃色。古人上火山收集唔同既石黎畫畫。volcanic tube。Volcano Cave 只有十度左右。

最後有野食，酒。不過紅酒好澀。
仲有想講多句，其實下晝 tour 仲好過朝早。 因為無咁熱，無咁多人。同埋參加 tour 有人講解下好啲。