話咁快黎到第四日。六點，禁熄鬧鐘之後繼續訓。由於運動左幾日，勁攰，唔係講笑。六點半突然醒起，仆街，07：14火車。
二話不說，彈起身。如果 miss 一班車，即是 miss 兩班車。因為已買埋 palermo 去 cefalu 個程。
出發，再睇一次時間，真係人係朝早記憶力係零，原來係07：38火車。鬆左一口氣。
突然多左時間, 影番張相先。
飲番杯凍咖啡先。好味！係 Fappichino加可可粉。意大利的咖啡店係一張Bar枱企係度飲。
意大利人係係勁熱情，其實有無咩原因呢？說連呢度啲狗狗都勁熱情，大部分都會吠，想Pok 上黎， 遇過三隻經過都係咁。對比起德國啲狗，完成相反。德國狗好聽話，唔熱情，似德國人。哈哈。
上車上車。
我係度諗緊諗緊，點解服務員睇左咁耐我張飛呢？突然諗到樣野，點解我唔係 Catania 直去 Cefalu, 要去左 palerma 轉車，總結，我慳左兩歐，但晒左兩個鐘，完。MY GOD
去到左，無luggage storage。掉轉諗，如果早到左兩個鐘。就唔駛拎多兩個鐘野。仲要上山下海@@今日攰到 hihi., "又"。
見到個個都係一班人上山。而自己得一個人，真係有點兒那個。仲要揹住個咁大既背包。幾時先有個 bf 一齊行下山咁呢？
不過，自己旅行大部分時間都唔係話好唔習慣，係咪真係慣左一個人@@
去左個洗腳池，海邊，無落水。
This is the symbol of Sicily
Via Vittorio Emanuele - 洗腳池
食左餐勁，30歐，一杯酒，一碟 Linguine ai Ricci， 一碟劍魚扒grilled pesce spada，唔得，我要食海膽 pasta 呀！下次再黎個陣先吃啦!
第勒尼安海
上城堡，上到大部分先見到有人，揹住個背囊想放棄之時，有對英國couple話幫我揹上去，真係想多謝佢地。T^T
城堡- Rocca di Cefalù
仲有，唔知係咩節，有啲女人着住婚紗騎馬。
其實時間唔夠用，執左舊石想寄俾 Rachel 都唔夠時間，除非唔上山啦，返德國先寄。
搭火車返 hostel， 基本上可以即時買飛囉其實，因為部機好易用。當初驚到時趕時間，又要問人又盛，上網買定飛。
撘火車走了! 回到Palermo。
原來Palermo 啲門牌號係一邊雙數，一邊單數既。搵黎搵去都未搵到Hostel, 招牌又無。意大利有過百條街叫Via Roma. 呢間Hostel開左兩個月，佢張床可以既，同埋有早餐(不過要搭早機所以無食)，俾埋沖涼野你，有儲物櫃，厠所唔合格，第一，沖涼去唔到水，第二厠所塊板會用用下跌落黎。
住過最好一間青年餐館係 Porto。
附近係旺區，即時沖番個涼就落街，簡直爽呀!
周街行下, 想買番個見得下人既袋，不過揀唔落手，靚啲個啲又貴。再睇下先。(港女Mode)
Hostel 附近條街Mercato Vucciria一到夜晚好多人飲酒，有即食海鮮。
有幾個英國女仔(聽口音應該係)同地陪買野食。我買左舊魷魚，鮮味，但要5歐，勁貴。又唔好意思殺佢價。想試好多人飲既啤酒，最後無飲。
Antica Focacceria
搵好多人話好食既豬肺包，途中有個男人見我搵路問我駛唔駛幫手，佢個鼻好似有啲白粉囉頂，我應該講廣東話話我唔知你講乜，我話同朋友失散左。驚驚。走為上着！
終於搵到豬肺包。嗱，老老豆豆，我覺得佢煮耐左，不過配左芝士都好味，再加少少檸檬汁。
遇到個韓國阿叔，佢話自己黎傾生意賣酒。咁咪一齊食囉，仲見佢同其他意大利叔叔姨姨坐埋一齊。咁食下野傾下都無野既，正常。佢地來自意大利另一個島。姨姨仲請我食 Bomer, 即是炸 Risoto。走喇，條韓國大叔見有車，拉左我隻手叫我行入面。再見個陣又懶熱情咁攬埋黎，妖。好彩話同佢唔同路，一左一右。唉，點解會咁架。。。。。#豔遇，#唉。#點解!!!!!!
