一個人的叉雞飯: 150623 西西里

突然想寫兩句，有時 whatsapp 朋友，無回覆，真係好無趣。

=======================================================================

有新目標，同屋企人租 camping car 去美國。希望五年之內可實現。

去一個地方，睇相同真正去既感覺有出入。

言歸正傳，第二日，我永遠都會記得2015年6月23日！

我計畫左去 valli dei templi (神殿之谷) 同 scala dei turchi (白色沙灘). plan係搭車去既。去無直車去沙灘，要坐車去 Realmonte 再行3.5Km 我房東聽到我話想去呢兩度，即刻提議我踩單車。去 Templi 佢話半個鐘左右就到。因為係"落斜"，好似3km 左右。去 scala dei turchi 就遠啲,10km。
其實可以兩三隻字寫完。

早餐完左就開始一日艱辛旅程

踩單車到達 valli dei templi. 我已經覺得自己完成左一項創舉，想像係香港，你有幾可會係路邊踩單車，條路咁窄。不過 Scilian 都好好，好照顧啲單車，單車 come first. 仲有，我係度諗，聽人講神殿之谷啲殿唔近。所以諗住踩單車睇，原來入面唔可以踩單車，又7左。

石頭裡面會有貝殼化石？

本來想放棄繼續踩，問人可唔可以帶埋單車上巴士。個識英文既叔叔話唔得，p.s.佢讚我英文好，哈哈，過獎了！

我問佢咁踩住單車去 scala dei turchi 危哈危險？佢話唔危險。因為佢既一句話，我就踩住車去沙灘。
架車又太高，太高我又唔識落車，開始堅係驚。啲路高高低低，個 gear 又唔聽使。最後終於到沙灘，但唔見有白色既物體。唔服氣去唔到，沙灘問左兩個哥哥仔，其中一個真係好好好靚仔。佢對眼真係好似有靈魂咁。佢話你有單車，但好難踩到去喎。要5km!!當時心諗，我咁遠黎到，5km 都照去，真係顛左喇！