150722-23 [由柏林走過一萬幾公里陸路到香港] - 聖彼德堡 > 莫斯科

[依加在坐夜車途中。本來坐火車四小時到莫斯科，但最後決定1000盧布坐夜車(~HKD$125)。12小時，坐貨 vam 仔，勁 dun 。但相比坐火車真係平左一大截。火車要大概4000盧布。]Repeated

講番去左咩地方先。
講真，聖彼德堡真係無乜野玩，22/07郵輪到步就落雨。

過海關, 團友B排我前面，問左好耐野，隔離個美國男一下就俾佢過左。我諗海關哥哥有搞左十五分鐘。

間郵輪公司話有表駁車接你出市區，但個俄羅斯男係咁話我地無離境紙唔可以上車，大佬，香港免簽無紙的，最後另一位俄羅斯男同事話俾我地上車。又搞左成個幾兩個鐘先到 "Hostel"。

中途搭聖彼德堡地下鐵要買兩張飛，一張俾個喼。

跟住有長電梯無限LOOP。好似北韓呀媽媽!

到左 hostel, 連個名都無， hostel一眼睇晒，2000盧布一晚。到步既感覺，令我對俄羅斯印象麻麻。不過HOSTEL姐姐人超好!

兩日淨係去左滴血教堂，夏宮。夏宮仲差過Potsdam 個花園。睇過咁多外國宮殿，其實德國算唔少靚宮靚景。

講下俄羅斯住既人，真係好多種唔同既人。有蒙古人又有，金髮藍眼又有，維吾爾族人又有，東歐人又有，中亞人又有。話說向個綠眼金牙既婆婆問路, 佢一路齒, 當堂個心離一離。