10年又10年 , 又黎自我反省時間

10年前, 正正是在下沉迷韓國娛樂時侯, 學過韓文一段時間,同自己講, 想學好一種語言.但本人太不思進取,又浪費左一個十年.

發現自己既缺點: 自私, 行動力低下, 偽裝, HIGH得濟講錯野

可以做好的: 大氣點, 與多些人接觸改善社交
                   
成日同人唔夾究竟係咪自己問題?


=====================================================================
書:

給10年後不後悔的自己
1　做個『討人喜歡』的人
2　能放下無謂的自尊，就是贏家
3　討厭的上司，忍耐三年就好
4　不要輕忽報支的截止日
5　不要對同事抱怨
6　主動擔任活動的召集人
7　絕對要參加公司的運動會
8　工作就是要先學會『抄襲』
9　前輩說的話，都是對的
10　找老師，務必三心兩意
11　『工作』不等於『作業』
12　工作上的戰鬥服
CHAPTER 02 溝通 COMMUNICATION
1　把溝通視為一場遊戲
2　耍笨是一門高深的藝術
3　掌握時下流行資訊
4　覺得被討厭時……
5　用三年攏絡人心
6　不要讓對方得意忘形
7　『激怒對方，自己保持冷靜』是贏家策略
8　提出抗議時，要採取迂迴策略
9　嚴禁平均分攤
CHAPTER 03 時間 TIME
1　把時間用在無謂的瑣事上
2　以「道義」取捨優先順序
3　保持樂觀開朗的態度
4　反省，只要十分鐘就好
CHAPTER 04 金錢 MONEY
1　人生失敗組不敢花錢
2　賺錢要有明確目標
3　擺脫『因為沒錢，就用便宜東西』的惡性循環
4　把錢花在美好的事物上
5　善用小錢，就能掌控大錢
6　緊要關頭不妨借貸
7　人脈就是錢脈
CHAPTER 05 生活 LIVING
1　為了履歷表漂亮而考的證照並不中用
2　現在的你，還不能斷捨離
3　朋友就是一部人形活百科
4　培養工作以外的教養
5　拓展不同的視野
6　擁有珍惜的對象
CHAPTER 06 人生 LIFE
1　對人漠不關心，是無法做好工作
2　工作只是一種手段
3　不要太早決定方向
4　不要讓沮喪主導自己
5　隨遇而安
6　無風航行不如暫且小憩
7　忍一時氣
8　保持心情愉快
9　疲於角色扮演，不如回歸真實自我
10　膚淺的人際關係不要也罷
-------------------------------------------------------------------------------------------------------------------------------------------------------------------

CHAPTER 01 工作 WORK

就算生氣，也無法改變別人

與其生氣，不如改變自己的行為

我們對別人生氣，大多是誤以為「只要強硬一點，對方說不定會改變」或「好想改變他」

但人是無法輕易改變的。

「人只有自己主動想改變的時候，才會改變」

作者：友川真由美

書名：練習不生氣

150816 [由柏林走過一萬幾公里陸路到香港] - 終於返到香港喇!!!

經過左一年又大半個月，重新返到香港。當晚 係廣州delay 左3小時，到達廣州已經係10點幾，排隊搞埋退轉時間，已經11點，無晒車返香港，仲話唔可以係廣州站退，要去番廣州東退"由廣州東到深圳"既車票。

最後去到廣州東已經係就閂閘。買左張由廣州東去深圳既車飛，但最後又退左，決定由廣州東去紅磡廣深缐。
神奇地，有個女仔係我地等買飛中途問等我地幫唔幫佢買，因為佢有事搭唔到但又無得退。因為要開車兩小時前退，所以最後幫佢買左兩張飛。9：04am.

到香港11點幾左右。

這一年, 柏林到香港, 默默流了不知多少淚水.坐上東鐵呢一刻, 真係忍唔住眼淚,一個月時間, 走過一萬幾公里.

150812-15 [由柏林走過一萬幾公里陸路到香港] - 西寧

依家係 Z266由西寧到廣州既站票列車中。
真係可一不可再既經歷。容後再講

西寧，青海，算是我比較期待既地方(今次中國之行)。不過，就連咁"少人"既地方都已經俾人破壞到周圍都污染，沙漠化。

又係個句，未準備好。連青海係高海拔平源都唔知。過夜車一到步，7點。外面好涼爽。同埋推住個喼去旅行，真係好麻煩既一件事。尢其是要推住個喼上斜個陣。
不過呢間hostel 算係幾好架喇。

去到，reception話我地安排兩日青海太趕。最後加多一日，book 6人包車。第二日6點出發。本身個晚睇定啲單張，話兩日遊就包去丹偈爾古城，日月山，茶卡鹽湖，青海湖， etc.
點知最後淨係去左後三個。古城無去，第二日兩點幾就走。

夜晚訓左藏族帳逢。有暖毯。還可以既。1000一日6人包車。未包埋師傅食住。

青海湖只可遠觀，近睇的話@@

鹽湖真係可以 skip. 唯一係日月山幾靚，雖然細。仲有想講啲景點好很貴。

仲有咩呢，去左沙漠。

仲油菜花回幾靚，不過入去影相又係要moneymoneymoney。
同行既有一對姊弟，一個女仔同我地三個。女仔夠霸氣！佢幾照顧大家。姊弟着情侶鞋，一開始仲以為佢地係情侶。
食野就西安好啲。

小插曲:由於我地cancel 左14號既飛，<仲未買>回程飛，第一日飛身去買既時候，有個男人話佢可以幫我地刮到卧鋪。要我地俾兩條煙錢，佢會係當日帶我地補飛。咁問過好多人都話信唔過，咁就無再應氶佢。

最後最後買左三張""站票""，所以呢個就係繼三日唔沖涼之後既新挑戰。33小時站着由西寧到廣州，我諗經過今次之後，我唔想再搭火車去中國，或者暫時唔想去中國，我認真驚。中國真係地球上最危險既地方，(係我去過既地方入面).

而我地再次遇到好心既叔叔教我地火車求生之道同埋俾左佢地寶貴既位少少位置我地坐。
站票去到零晨四點幾，終於俾我地等到卧鋪！

去完中國，我好明白點解中國人會咁。其實要怪就怪中國人傳統點解要生咁多，同埋中國政權仍然係咁獨裁，一切都係根深渧固既問題。人少啲就已經減少好多問題。，跟住就係要開放思想，改善教育。下一代先有新思維帶住中國走。
學老豆話要少減一半人。

重點係，我會暗自要計畫離開香港。如果香港係一杯清水，中國係一杯污水，一點污水就已經可以污染清水。香港始終會被同化。

150809 - 11 [由柏林走過一萬幾公里陸路到香港] - 西安

和諧號到達西安。

時間不太夠，只有三日兩夜，不夠時間上山。只去睇兵馬俑。兵馬俑遺跡真係好大。

西安係一個充滿歷史既地方。周圍都可以見到歷史建築，秦，唐，明朝都有。當然自己唔太識歷史唔識欣賞。

西安啲霧霾仲勁過北京。我諗我有機會黎多次既，不過唔係十年內掛！？

推介泡膜,羊串,牛肉麵

有一點我希望第時可以做好啲既，係啲火車真係同外國差十萬九千里，就算車係做到人地既規格，但係啲乘客一樣樣係咁。周街都見到咩社會主意核心價值，但佢地除左第一點富強, 其他一個都未做到。

雖然我相信大陸變好緊，但唔係三五十年既事，至少俾一二百年。
西安有好多野食既。好多新疆，西藏人。有羊泡饃，羊串，羊腳。。

150805 - 08 [由柏林走過一萬幾公里陸路到香港] - 北京

第二次黎到北京，夏天真係好唔同。都係鍾意冬天多啲。今次北京之旅真係好多不愉快事件，唯有自 high 輕輕帶過。

第一，諗住可以住四合院，booking.Com book 左，去到可以話無位。經過滿洲里，甚至北京，我敢講用 booking.Com book 大陸啲旅館真係信唔過。一來，有啲係非法，二來， book 左都可以去到個陣話無位。
好彩佢介紹左身二間俾我地。

去左好多上次去過既地方，不過其實自己有啲想去既都無去，例如雍和府。景點太多，今次新去既有圓明園同798藝術區。呢兩度都好值得一去。

第一日故宮，天安門，王府井。最唔值得去，但未去過又要到一到既景點。王府井可以 skip, 超差。跟住買電話卡，又要120揀號碼，36蚊增值。一日兩鑊。

第二日驚險喇。由於第一日去左既地方唔多，見到人派傳單打電話報左個 local tour。張傳單寫住話100蚊去13個景點。然後三人同行一人免費。( 講真，真係有少少智慧都知咩料, 見到我已經話邊有可能一日去咁多地方，去到三四個都偷笑。) 但三人抵受不住貪小便宜既心理就落左疊 ) 不過唔駛自己搵路去長城喎。佢話朝早仲車埋你睇升旗, 玩完先收錢，咁算啦。

第二朝一早四點起身, 黎既係一架7人車。就出發睇升旗。
一多人我就顛架喇。都係咁啦，要睇住人地個 mon 先睇到。

5：15睇完。走!!! 佢話會車我地去 join 大巴。都等到6/7點先開車。

嘩，黎料，上到車個導遊好似啲層壓式推銷咁，又話去咩景點我講一次，落車唔好再問。去長城，十三陵(外面睇), 咩有包一餐，然後睇唔知乜春乜春自費項目。最後睇埋水立方鳥巢放低大家，唔會送大家返歸。跟住又話準訓覺。好似軍訓咁，勁恐怖。話佢唔知我地報名個陣幾錢，要收團費加自費項目。咁講到明自費，就覺得係唔一定要參加啦。但唔係喎，要俾！ 本來$200，依加3人$650。佢都痴膠花。又話$500搞掂。跟住我地就話唔俾。

落車，佢話如果我地唔跟，要俾$80/人車費去長城。佢盡量分開啲人唔俾你地傾。因為佢地得二三個導遊，我就話趁機着草，走左入一間餐廳。最怕係佢地找我地麻煩，因為俾左酒店電話佢。咁入左長城之後佢無再追黎。生平第一次上長城係咁着住草上去。

跟住搭車搭左好耐好耐去左圓明園，攰， 風雲色變咁去左水立方，鳥巢。夜晚落大雨，食個麵返歸。圓明園比我想像好啲。雖然已經俾人破壞晒。睇手繪圖，我諗本身應該真係好靚。

第三日天壇，好熱好熱好熱好熱。。。。。。。。。。。。。。。。

藝術中心，南鑼鼓巷，簋街。值得去既。

都係個句，冬天去，有 feel 啲，無咁多人。

@由北京往西安和諧號上。
$500幾蚊5個鐘，最貴一程火車。呢程程度既火車先拍得住日本特急咋強國。唉，希望50-100年左右強國真係變得文明啲，咁先同到香港接軌，人真係太多(我好似講左十萬次人太多 -_-)。依加迫人地退步就你，同化香港人，好慘，真係無眼睇。

時代既尖端

150804 [由柏林走過一萬幾公里陸路到香港] - 硬座去北京

嗱，33小時滿洲里到北京。由北到南。由涼到熱，由人少到人多。都唔知啲人點出現。

火車上，可一不可再。啲人食野食到周地係，啲人一上車湧去補飛 counter 補飛買床位。

煙味，咩味都有。又唔夠位放行李，厠所又污嘈又臭，個個無熱水好似會死咁，啲位又窄，好心睇片就用耳機，唔好迫隔離位聽。
唉，依加先夜晚7點，點捱到聽晚九點。
完全係挑戰人類極限。我覺得自己煲左33個鐘煙。
去完俄羅B,就發現大陸D杯麵好吃.

嘩, 咁大個女第一次食八寶粥

大陸要幾多年先減少到人口，幾多年先搞好個衛生問題。

不過遇到好人好事，上車等補飛，本身我地已有一個補卧鋪位，但係我自己白痴，諗住大家齊齊坐住去北京，俾左個位人地。點知之後有兩個位再補俾我地，我疊埋心水硬座去北京。點知死魚眼車長見我未有位，搵到多個位俾我！真係太感謝呢位人兄喇 T^T 估唔到到左呢個諗住無人情味既地方都有人咁好人。身上無禮物多謝呢位人兄, 最後朋友B搵到張卡送俾佢.

.

150803 [由柏林走過一萬幾公里陸路到香港] - 滿洲里

呢幾日精彩

到達滿洲里。首先係要過關，係火車站唔知頭唔知路，上左架的士去到關口，直情人跡旱至(我衰, 無乜搵資料,指意其他人)。一人一百 RUB. 有班中國人係邊境等車。再搵人細問之下，原來跟任何車過境就得。終於俾我地搵到一架車載我地過關，但係一齊等既其中一group中國人講野好無禮貌，話人地有叫你一齊上咩。
反而另一group中國人實在太好人, 聽到佢地講,:話晒都係中國人, 有車齊齊上, 但我地最後上車先,掉低左佢地.

過關，聽聞話要三個鐘，過俄羅斯境個邊，開左閘，又無啦啦落閘。

過中國境就好快。

中國境個"外表"好過俄羅斯。
終於到達滿洲里，去搵BOOK左既旅館。問左個人，佢幫我地打電話去問。
等既中途有個係另一間公寓做野既女仔叫我地唔好住，最後聽佢講話唔安全，轉左住佢個間。

跟住沖涼，換衫，出去行下
銀行，超市，火車站換飛，etc...
最正係夜晚食羊排加啤酒。

話就話過到中國境。啲軟件都係一銀樣。