150721-22 [由柏林走過一萬幾公里陸路到香港] - 郵輪

咁大個女第一次搭郵輪，但這郵輪真係我會俾佢勉強合格。舊，細，野食差。講完，不過俾得一晚200歐三人房都算了吧。有泳池都無游，睇下落到去貝加爾湖有無機會啦！

7事: 平價船, 沖厠水超大聲, 笑到我肚痛.

係夾板影相影相影相

落船睇FLOOR PLAN先睇到有泳池

船上自費餐: 酒任飲...野食就...嗯嗯

150720 [由柏林走過一萬幾公里陸路到香港] - 愛莎尼亞塔林

我諗波羅的海三國，我會最鍾意塔林。去左邊，唔記得。好似上左個城牆，上塔頂，都係個幾味。野餐！徒步遊走！

愛莎尼亞都有炸魚皮!? 

柏林打工記憶

打工記憶

有個鍾意問我飲唔飲芒果汁既東歐哥哥，好啦, 唔叫佢大叔喇！勁鍾意講唔停。成日哪叫我做 "einfach"。唔知我地仲有無機會再見呢？雖然語言不通，但絕對感覺到佢既熱情奔放。感謝！

有次好多日無見佢返工, 同佢講 long time no see. 佢問我係咩意思，叫我同佢英文講。又問 coconuts "吓係英文黎架？"coconuts "笑"。

150719 [由柏林走過一萬幾公里陸路到香港] - 維爾維斯>塔林

一早7點車！維爾紐斯>里加>塔林！一日玩轉里加。又係個啲教堂教堂教堂加market. 食三文魚籽加又野餐！6點半車再戰塔林！

三文魚子野餐!!!

想一寫既係里加車站既利行李寄存好平，30kg內第一小時0.7歐，之後一小時0.3歐。

晚上搵Hostel既歷奇!
由於去到已經好夜, 我無睇清楚拎鎖匙地點, 3隻野就一野打的去左hostel...
點知, 拎鎖匙地點係要去一個距離Hostel 5分鐘車程既地方.
車我地去另一間酒店打一打電話問.但無結果之後直接車我地去拎鎖匙地點.
搵來搵去, 見到一個有夾萬既門.即刻入Hostel俾個Password試下.
試極都唔岩, 司機叔叔借埋電話俾我地打去問, 好彩仲係營業時間內.
原來佢地俾錯Password我地.
好似尋寶咁終於拎到鎖匙救出公主...

150718 [由柏林走過一萬幾公里陸路到香港] - 維爾紐斯

發覺真係一有時間就要寫番去左啲咩地方。
維爾紐斯第三日就係朝早搞到好晏先出發。整頭髮呢樣個樣。上十字架山，訓左45分鐘，睇下教堂，維爾紐斯啲教堂多到數唔到，"又"去公園野餐。早少少食晚餐，返屋企！一沖完涼即訓着左，連牙都無刷。

150716 [由柏林走過一萬幾公里陸路到香港] - 維爾紐斯

轉眼已經第四日，依加先寫番第二日既野。
一早搭巴士出發去水中城堡。城堡走黎走去影下相，飲杯咖啡飲杯酒又一日，畫幅畫寫 postcard. 夜晚超市解決！

150715 [由柏林走過一萬幾公里陸路到香港] - 立陶宛

7月15日，正式同德國講拜拜。阿 wing 阿福黎送我地車。大家下次都唔知幾時再可以齊人再聚。經過十八小時車程，在華沙轉車，simple express,終於黎到第一站，立陶宛- 維爾紐斯。估唔到長途車有 wifi 有戲睇。
維爾紐斯 第一感覺，有點落後。其實去過咁多歐洲城市，對比番亞洲韓國，日本，香港。呢幾個地方真係先進。立陶宛人無乜笑容。上網睇番原來立陶宛係自殺率最高既國家。
原來未book 到 dorm,.最後35歐三晚訓 private room. 叫 Fortuna Hostel.仲好過 dorm多多聲添！
第一日市內觀光，Gate of Dawn, town hall, Stebuklas, Gediminas Tower 睇日落。食左間pancake 同埋一間好好味既焗 "pizzza"，叫做Chacapuri. 買野返hostel 過相，食野，訓覺。

Auf wiedersehen!